എനിക്ക് ചിറകുകള് ഉണ്ടെന്നു ഞാന് അറിഞ്ഞിരുന്നില്ല .
അതറിഞ്ഞപ്പോള് പറക്കാന് അതിരുകള് ഇല്ലാത്ത ആകാശം വേണമെന്ന് തോന്നി.
പക്ഷെ ,ഞാന് ചോദിച്ചത് ചിറകു വിരിക്കാന് ഇത്തിരി സ്ഥലം മാത്രമായിരുന്നു.
വിരലുകള് ഉണ്ടെന്നറിഞ്ഞപ്പോള്
ചിത്രമെഴുതാന് ഏഴു നിറങ്ങളും വേണമെന്നുതോന്നി .
പക്ഷെ ,ഞാന് ഒരു കടലാസും പെന്സിലും മാത്രമാണ് ചോദിച്ചത് .
അക്ഷരങ്ങള് അറിഞ്ഞു തുടങ്ങിയപ്പോള് ,
കരള് പിളര്ന്നു ഊറിയ കവിതകള് എഴുതാന്
ഒരു ജന്മം മുഴുവന് വേണമായിരുന്നു.
ഞാന് പക്ഷെ ചോദിച്ചത്
ഒരു രാത്രിയുടെ ആദ്യ യാമം മാത്രമായിരുന്നു.
കാലുകള് ഉണ്ടെന്നു ഞാന് തിരിച്ചറിഞ്ഞപ്പോള്
നടക്കുവാന് ആരും ഇതുവരെ നടക്കാത്ത
ഒറ്റവഴി വേണമെന്ന് തോന്നി .
പക്ഷെ ,ഞാന് ചോദിച്ചത് നിവര്ന്നു നില്ക്കാന് ഇത്തിരി
മണ്ണ് മാത്രം ..........
എന്നാല് ഇതൊന്നും നിങ്ങള് എനിക്ക് തന്നില്ല .
പക്ഷെ ,അതിന്റെ പേരില്
എന്നില് പരന്നൊഴുകുന്ന
അന്തമായ നീലവാനവും ,ആയിരമായിരം മഴവില്ലുകളും ,
നിലാവില് കുതിര്ന്ന നിസ്സബ്ധ യാമങ്ങളും ,
എന്റെ സ്പര്സതാല് ആര്ദ്രമാകുന്ന വഴികളും
എന്നില് നിന്നും അടര്ത്തി മാറ്റാന് നിങ്ങള്ക്കാവില്ല .
ആര്ക്കുമാവില്ല.
Subscribe to:
Post Comments (Atom)
No comments:
Post a Comment